Það eru forréttindi að geta útvistað fjármálaferlum til trausts aðila og einbeitt sér að kjarnastarfsemi félagsins.  Helsti ávinningur sem hlaust við útvistun fjármálaferla til Fjárvakurs er skýr fókus, hagkvæmari rekstur, aukið öryggi með aðgreiningu starfa og öflugu innra eftirliti. Fjárvakur veitir framúrskarandi þjónustu á sviði fjármálaferla og ég mæli hiklaust með þjónustunni.  Ástæðan er einföld, stjórnendur og starfsmenn þeirra fyrirtækja sem ég er í forsvari fyrir veita okkar viðskiptavinum betri og hagkvæmari þjónustu af því að fjármálaferlin eru í góðum höndum hjá Fjárvakri. 

Sigríður Margrét Oddsdóttir, forstjóri Já

Ég er mjög ánægður með þjónustu Fjárvakurs.  Svartíminn er gríðarlega stuttur, enda gerum við miklar kröfur þegar kemur að því að vinna hlutina hratt.  Allir ferlar eru einfaldir og skýrir og fjármálatengd vinna gengur gríðarlega vel.  Ég get því hiklaust mælt með Fjárvakri.  Mjög lausnamiðað fyrirtæki sem veitir góða þjónustu og hefur á að skipa hæfu starfsfólki.

Sigurður Skarphéðinsson, framkvæmdastjóri Into the Glacier

Lækkun kostnaðar og meiri stöðugleiki voru helstu ástæður fyrir því að við ákváðum að útvista fjármálaferlum til Fjárvakurs.  Við getum betur sinnt sölustarfsemi og stefnumörkun.  Þurfum ekki að sinna mannaráðningum í tengslum við bókhald o.fl.  Helsti ávinningur sem hlotist hefur er að uppgjör koma á réttum tíma, auðvelt er að nálgast upplýsingar, kostnaður við útvistun er fastur og vinnuferlar eru skýrir.  Ég er mjög ánægður með fagleg vinnubrögð hjá Fjárvakri, starfsfólk er með góða þekkingu og vinnusamt.  Ég myndi mæla með þjónustu Fjárvakurs, því sem stjórnandi er mikilvægt að hafa yfirsýn yfir reksturinn, fá uppgjör á réttum tíma og að geta betur sinnt kjarnastarfseminni.

Jón Árni Jóhannsson, framkvæmdastjóri Jóhanns Ólafssonar & co og Hvítlistar

Við hjá Reitum höfum verið í samstarfi við Fjárvakur síðan 2013. Mér líkar þjónustan og starfsfólkið sem hana veitir ákaflega vel. Þjónustan fellur mjög vel að skipulagi okkar og stærð þar sem við útvistum mikilvægum og viðkvæmum verkefnum til Fjárvakurs.

Einar Þorsteinsson, fjármálastjóri Reita

Við hjá Reginn fasteignafélagi erum með launavinnsluna okkar og dótturfélaga hjá Fjárvakri. Það hentar okkur vel að útvista þessum þætti þar sem við erum með litla yfirbyggingu og hentugt að láta fagfólkið hjá Fjárvakri halda utan um launavinnsluna. Við erum búin að vera hjá Fjárvakri síðan 2011 og erum mjög ánægð með þjónustuna sem er bæði greið og persónuleg. Starfsfólki Fjárvakurs sem við höfum haft kynni af má gefa fyrsta flokks einkunn fyrir lipurð, góða  þjónustu og jákvætt viðmót.

Helgi S. Gunnarsson, forstjóri Regins hf.

Fjárvakur hefur reynst traustur samstarfsaðili, launavinnsla áreiðanleg og samskipti til fyrirmyndar. Starfsfólk Fjárvakurs býr yfir sérfræðikunnáttu á sviði starfsmannaþjónustu og flóknu kjarasamningsumhverfi heilbrigðisstétta sem er mikilvæg í rekstri þar sem starfsemin fer fram allan sólarhringinn, alla daga ársins. Þjónusta og þekking sem er launþegum og félagi til hagsbóta við að ná markmiðum sínum. Markmið hjúkrunaheimilisins Sóltúns er að veita íbúum sínum bestu hjúkrun og aðra þjónustu sem völ er á, á hverjum tíma og vera aðlaðandi starfsvettvangur, svo hægt sé að ná því.

Anna Birna Jensdóttir, framkvæmdastjóri Sóltúns
Fjárvakur – Icelandair Shared Services    |    Icelandairhúsinu    |    Reykjavíkurflugvelli    |    101 Reykjavík    |    Sími 505 0250    |    fjarvakur@fjarvakur.is
Fjárvakur – Icelandair Shared Services
Icelandairhúsinu
Reykjavíkurflugvelli
101 Reykjavík
Sími 505 0250
fjarvakur@fjarvakur.is